1921 жылы 22 наурыздан шыға бастады
Бастапқы
АЙТЫЛҒАН СӨЗ
Осы күнге дейін көп нәрсе айтылды ғой. Бұл неткен үнсіздік деген сұрақ менің көкейімде әр кез тұрады. Мен күнде таңертең тұрғанда бір жақсы хабар естігім келіп тұрады. «Зәкеңді өлтірген адамдарды тауыпты», я болмаса «сол істі қайта қарауға кірісіпті» дегендей хабарларды естігім келеді. Бірақ, өкінішке қарай, қазір бізде құлақ естімейтін, көз көрмейтін уақыт болып тұр.
Автор: Мақпал Жүнісова, Қазақстанның халық әртісі, әнші
Информационный сервер xFRK: валютные баннеры для Вашего сайта
Жас Алаш 1 қаңтар, бейсенбі 1970
24 қазан 2017
«Менің үстімнен «компромат» жинап жатқан секілді»

Керекулік қоғам белсендісі Руза Бейсенбайтегінің қазақ тіліне деген жанашырлығы көпшілікті бейжай қалдырмаған сияқты. Ол Павлодарда босағасынан «говорите по русский» деп қарсы алатындарға қарсы аштық жариялап, мемлекеттік тілді менсінбейтіндерді қатаң сынға алып жүр. Дегенмен де Рузаны әдейі арандатып, үстінен қылмыстық іс қозғап, түрмеге қамап қоя ма деп алаңдайтындар да бар.

Қаламгер Өмірзақ Ақжігіт президент Н.Назарбаевқа, парламент сенатының төрағасы Қ.Тоқаевқа, премьер-министр Б.Сағынтаевқа жазған ашық хатында Руза Бейсенбайтегіне араша түседі.
«Біздің биліктегі мырзалардан бәрін күтуге болатынын бәріміз білеміз, алысқа бармай-ақ, қазақтың жерін шетелдіктерге сатудан қорғаған атыраулық екі патриот азаматтың ешқандай қисынға келмейтін айыптар негізінде сотталып кеткенін еске алсақ та жетеді. Ал бүгін дәл сол секілді қазақтың тағы бір патриоты, павлодарлық Руза Бейсенбайтегін қазақ тілінің мемлекеттік тіл мәртебесіне сай болуын талап еткені үшін соттауға дайындық қатты жүріп жатыр. Мен Рузадан біраз жас үлкенмін. Егер Рузаны соттай қалса, оның орнына мені апарып қамауларыңызды алдын ала өтінемін. Ол өтінішім іске асуы үшін сіздерден заң түрінде немесе жарлық түрінде болса да, еліміздің кез келген азаматы өзге бір азаматтың кінәсіздігіне сенген жағдайда өз еркімен әлгі адамның айыбын мойнына алуға болатынын жеделдете заңдастырып берулеріңізді сұраймын», – дейді ашық хат иесі.
Руза Бейсенбайтегі – мемлекеттік тілді менсінбейтіндермен белсене күресіп жүрген патриот. Осы жолда көптеген қиындық көрді. Енді Өмірзақ Ақжігіттің алаңдауында қандай негіз бар? Біз бұл жөнінде Руза Бейсенбайтегінің өзіне хабарласып, сөйлескен едік.
– Қазақ тілінің қамын күйттеп жергілікті әкімдіктерге талай мәрте хат жаздым, – дейді қоғам белсендісі Руза Бейсенбайтегі бізбен әңгімесінде. – Ешқандай нәтиже болмағандықтан, әкімдерді сотқа беремін деп те ашынған кездерім болды. Содан бері жергілікті билік қыр соңыма түсіп алған сияқты. Ұялы телефондарым тыңдалады. Әйтеуір, біреумен сөйлесе қалсаң, ғыж-ғыж етіп түк естілмейді. Павлодардағы трамвай жүргізушілеріне менің суретімді көрсетіп, «мынау главный националист, абай болыңдар» деп жақсылап таныстырып қойған. Билік менің үстімнен «компромат» жинап жатқан секілді. Сондықтан маған қолдау көрсетіп жатқандарға көп рақмет. Мен мемлекеттік тілдің мәртебесі үшін күресе беремін. Мені ешкім қорқыта алмайды!

« алдыңғы бетке  |  келесі бетке »
ПІКІРІН БІЛДІРГЕНДЕР (2)
Дүйсенбек,зейнеткер. | 25 қазан 2017 09:14
Есімі қызық екен, дегенмен осы Руза сияқты жастар көбейе берсе деймін.
Руза | 26 қазан 2017 21:22
Көп рахмет, Алла жарылқағыр, еліміздің тарихи казиті құрметті Жас Алаш!
Пікіріңізді бөліскіңіз келсе:*
Жазылатын пікірдің көлемі 500 символдан аспауы керек
Аты-жөніңіз:*
E-Mail (сайтта жарияланбайды):
Мына код-сандарды енгізуіңізді сұраймыз:*
Жаңарту
* - жазылуы міндетті
Осы тараудағы мақалалар