1921 жылы 22 наурыздан шыға бастады
Бастапқы
АЙТЫЛҒАН СӨЗ
Циничное, жестокое, отвратительное,  преступление: убийство Алтынбека Сарсенбаева – человека, который был последние годы моим политическим оппонентом. С ним вместе убиты его помощники. Председатель КНБ генерал Дутбаев сразу же излагает главе государства свою версию: за преступлением стоит кто-то из членов семьи президента – либо Рахат Алиев, либо Тимур Кулибаев, либо Кайрат Сатыбалды.
"Караван" №10, 10.03.2006
Автор: Дарига Назарбаева
Информационный сервер xFRK: валютные баннеры для Вашего сайта
Жас Алаш №61 (16247) 3 тамыз, бейсенбі 2017
3 тамыз 2017
Бәріне рубль кінәлі

Тамыздың 2-сінде доллардың теңгеге шаққандағы бағамы аяқастынан қымбаттап, 328-ден 343 теңгеге бір-ақ секірді. Сөйтіп, соңғы аптада «доллардың қымбаттауына еш негіз жоқ» деп ерекше сайрағандардың аузына құм құйды. Сарапшылар құнсызданудың төркінін рубльден көреді. «Теңге рубльге тәуелді. 1 тамызда Ресей ақшасының бағамы долларға шаққанда 60 рубльге дейін құнсызданды. Сөйтіп, теңгені әлсіретіп тастады. Оның үстіне АҚШ өзі өндіретін мұнай көлемін арттырып, қара алтынның бағасын 51 баррельге дейін түсірді. Теңгенің құнсыздануына бұл да әсер етті», – дейді сарапшы Айбар Байкенов. Ұлттық банк мәлімдемесі де осы ойды қолдап, АҚШ-тың Ресейге салған жаңа санкциясын айыпты көреді.
«Теңге бағамының құбылуы АҚШ пен Ресей саясатынан, нарықтағы тұрақсыздықтан болып отыр. Баспасөз беттерінде «доллар қымбаттайды» дегендей арандатушы хабарлар АҚШ-тың ақшасына сұранысты арттырып жіберді», – дейді Ұлттық банк өкілі Әлия Молдабекова. Өкіл теңге бағамының құлдырауын уақытша құбылыс деп түсіндіріп, «долларды сатып алуға негіз жоқ» деп қояды. Бірақ Ресей сарапшылары мен Қазақстан қаржыгерлері «рубль мен теңге жақын арада есін жинай алмайды» дейді. Grand Capital компаниясы сараптама бөлімінің басшысы Сергей Козловскийдің айтуынша, АҚШ пен Ресейдің қырғиқабақ қатынасының кесірінен шетелдік инвесторлар орыс жерінен, қаржы нарығынан кете бастайды. Мұның соңы рубльдің одан әрі құнсыздануына ұласады. Айбар Байкенов «геосаяси тартыстар теңге бағамын жақын арада 340-қа дейін құнсыздандырады» деп отыр. Қырымды аннексиялап, батыс елдерінің санкциясына қалған Ресей осылайша қазақ теңгесін құзға сүйреп бара жатыр.
 

Аян ҚАЛМҰРАТ

« алдыңғы бетке  |  келесі бетке »
ПІКІРІН БІЛДІРГЕНДЕР (0)
Пікіріңізді бөліскіңіз келсе:*
Жазылатын пікірдің көлемі 500 символдан аспауы керек
Аты-жөніңіз:*
E-Mail (сайтта жарияланбайды):
Мына код-сандарды енгізуіңізді сұраймыз:*
Жаңарту
* - жазылуы міндетті
Осы тараудағы мақалалар